إلهام علاء – مصر
طرح منذ قليل دويتو غنائي بعنوان “ليستت أحلامي” جمع بين المطرب محمد مجدى والمطرب والموزع زووم، بطريقة الفيديو كليب عبر موقع الفيديوهات الشهير “يوتيوب” وجميع المنصات الإلكترونية، وإذاعات الراديو.
تتحدث أغنية “ليستت أحلامى” عن أحلام الشباب وطموحاتهم وأهدافهم فى الحياة التي يتمنون تحقيقها رغم الظروف ومطارده الحظ ، الأغنية من كلمات الشاعر أحمد علاء وألحان محمد مجدي و زووم، توزيع موسيقى زووم، توزيع شركة ديجيتال ساوند، Art Work محمود طارق، سوشيال ميديا عمر خيري، إخراج عمرو رشاد، وتوزيع شركة “ديجيتال ساوند”
تقول كلمات أغنية:
إمبارح
انا كنت راسم صوره لبكره في خيالي
معرفش أنا إيه الي حصلي ومين هدهالي
كان نفسي ألف العالم و فضلت مكاني
وفضلي مكاني
أيامي
داست بنزين عل أخر سبقت أحلامي
والي بيسألني بقول لسه مجاش أواني
وبقول أنا بخسر شوط وهعوض في التاني
هعوض في التاني
سنين
ليستت أحلامي بقلها سنين متأجلين
وبطارد حظي أجيلو شمال فا يجيلي يمين
عل حال ده سنين
بعيش
وبخلي الصعب يحفزني وميموتنيش
وبحاول أنجح وسط ظروف متشجعنيش
متشجعنيش
أفكاري
من صغري سبقه سني دايس وقاري
مدتش سري لحد أنا خزنه أسراري
و الوقت بيجري برجلي بسابق فيراري
ترضهالي
مش خايف مستني الفرصه هتيجي أمتي محدش عارف
لو علركنه كلها واقفه زي مخالف
والي مدينك مديون زيك برضو وسالف
واديك شايف
سنين
ليستت احلامي بقلها سنين متأجلين
وبطارد حظي أجيلو شمال فا يجيلي يمين
عل حال ده سنين
بعيش
وبخلي الصعب يحفزني وميموتنيش
وبحاول أنجح وسط ظروف متشجعنيش
متشجعنيش