إلهام علاء – مصر
تعرض الفنان المصري تامر حسني في الساعات الماضية لإنتقادات وهجوم شديد من قبل الجمهور، وذلك لظهوره في إعلان شبيسي وهي أحد المنتجات المقاطعة منذ 7 أكتوبر وللظروف التي تمر بها فلسطين، والذي تسبب في خسارة تامر حسني أكثر من 2 متابع عبر حساباته الرسمية بجميع مواقع التواصل الإجتماعي.
وجاء رد الفنان تامر حسني منذ قليل علي الهجوم الذي تعرض له حيث كتب عبر حسابه الرسمي بموقع تبادل الصور والفيديوهات “إنستجرام” قائلا:
مساء الخير عليكم .. بقالي يومين بتابع اللي بيحصل وإحتراماً للجميع .. أنا بوضح حاجة بخصوص إعلان شيبسي الأخير
اولاً .. أنا على قوة الشركة من سنتين قبل أي أحداث و ده مش أول إعلان ده ثالث إعلان في عقدي، معلش أحياناً الكلام عند بعض الناس بيبقى سهل وتحديداً لما بيكون بدون علم بالعقود و بحيثيات الموضوع كله
ثانياً .. أنا مضيت على عقد مكتوب فيه أن شيبسي شركة مصرية ولها سجل تجاري ضريبي مصري منفصل والبند قدامكم أهوه لصدق كلامي
ثالثاً .. والاهم لاي حد بيشكك في إنتمائي للقضية الفلسطينية هقوله أنا من ٢٠ سنه وأنا في ضهر القضيه ومش كلام وأغاني بس لاااااا … أنا روحت بنفسي معبر رفح أثناء الضرب لمساندة أهالينا هناك بأكبر حملة معتقدش في حد هيخاطر بحياته ويروح بنفسه معبر رفح أثناء الضرب مجامله مثلاً…!!
وختم تامر حسني: “أخيراً … أنا لما قررت أكون الوجه الإعلاني لشيبسى من سنتين لانه منتج مصري كل المصريين بيحبوه والبطاطس من الفلاحة المصرية وبيتباع في مصر بس وإتربينا عليه والأهم أن الشخص البسيط يقدر يشتريه في ظل ظروفنا الإقتصادية وأظن ده واضح في الإعلان .. ده كان شعوري الشخصي إتجاه الحملة وأنا بمضيها من سنتين عشان كده كان واجب عليا التوضيح للجميع وللّي مش واصلاله الصوره بكل إحترام .. و شكراً لكل اللي ردوا عني وهما مغمضين حقيقي انتوا نعمه كبيره من ربنا الف شكر ورمضان كريم على الجميع”.
