إلهام علاء – مصر
صرح الناقد طارق الشناوي في لقاء تليفزيوني قالآ : “فيلم أولاد حريم كريم من أسواء الأفلام و مصطفي قمر عايش في الزمن القديم وفشل كمطرب وقرر أن يقدم فيلم وجاء بالحريم وهم بطالات الفيلم الذين لم يطلبوا في السينما” .
وأضاف الشناوي” فيلم أولاد حريم كريم لم ينجح جماهيرآ لان القصة التي كتبتها زينب عزيز قديمة جدآ ، ومصطفي قمر إفتقد الوهج علي حد قوله وإنه في فيلم “البطل” كان ممثل فعلا وعنده حضور وكان في عز نجاحه ولكنه فقد كل هذا ، ومصطفي قمر كان يمثل دوره في فيلم أولاد حريم كريم بدون حالة الوهج والشغف وكان يؤدي فقط وكان حافظ مش حابب” .
كتب الفنان مصطفي قمر عبر حسابها الرسمي بموقع تبادل الصور والفيديوهات “إنستجرام”
ردآ علي نقد طارق الشناوي لفيلم” أولاد حريم كريم” : “هو أنا مش طلبت منك تبعد عني أصلًا وماتتكلمش عني علشان ماتتهزأش طيب أنت اللي جيبته لنفسك عموما ياللي اسمك طارق أنت كاتب كلام اهبل يدل للمرة المليون انك ماشفتش الفيلم وعموما اللي حيرد عليك جمهور السينما الحقيقي اللي دخل الفيلم اللي مالوش دعوة بالنفاق او مصلحة اي فيلم تاني (فكرني كدة شغلتك ايه…..؟….. هي اربع حروف بيتهيألي” .
وردت الفنانة بشرى في تعليق على ما كتبه مصطفى قمر : “أنا أسفة يامصطفي أنا شايفة أن كل واحد حر في رأيه و الرأي لا يمثل إلا صاحب الرأي ، لكن الجمهور شأن آخر والغالبية قد قالت كلمتها ورأي واحد سلبي وغير موضوعي أمام الإشادات في قاموس النسبة والتناسب يساوي واحد في الألف أو المليون و دي نسبة لا تذكر”.
أضافت بشري : “لو الأستاذ طارق شايف أن مصطفي قمر قديم وإحنا كلنا 12 بطل وبطلة من الجيلين كلنا قدام هو حر ، مع أن مصطفى من أكتر النجوم معاصرة وتجديد ، ومن أول من أحدث تطوير في الأغنية المصورة وأغانيه بتتلعب في كل مكان ومحفوظة من كل الأجيال”.
وتابعت: “أحنا نسيب كل جديد وحديث للأستاذ طارق وإحنا قاعدين مبسوطين ومرحرحين في القديم ، حتي المثل بيقول القديمة تحلى ولو كانت أحلى ، وأنا شخصياً من مواليد الثمانينات وأحب القديم أوي”.
واختتمت بشرى: “كان بالأحري للناقد الكبير كتابة نقد موضوعي ، وعدم إهمال جهود 12 ممثل بالفيلم منهم مجموعة من الشباب الواعد ، ولكن الأمر مشخصن كما يبدو مع شخص نجم الفيلم ، لو مش عجبك القديم ياأستاذ طارق في 6 وجوه جديدة في الفيلم مش عاجبين حضرتك؟ ، ده قرار واعي بتحطيم الشباب .. إذن لا تحدثني عن الحداثة وتتهمنا بالقدم”.